Polución.
La tierra sufre,
la tierra muere,
la tierra llora,
Polución.
Ríos de asfaltu, polución.
Tristes les cares, polución.
Gobiernos cobardes, polución.
La raza humana destrúyese.
El home, la semiente del mal,
ta llevándonos a la autodestrucción.
La tierra sufre, polución.
La tierra llora, polución.
La tierra muere, polución.
La raza humana ye la semiente.
* * *
Esti canciu queremos dedica-ylu a la nuesa madre Tierra, a la que tamos poniendo en xaque, contaminando y desaniciando los sos recursos xabazmente, estrozando la fauna y flora, ensin pone-y atención al xeitu de furrular de la natura y ensin caltener nengún respetu que-mos permita el desarrollu n’equilibriu col nueso entornu y les especies que n’él añeren. El modelu capitalista nel que vivimos torna’l ser humanu n’una enfermedá que que afarará’l planeta si nun ponemos llindes y soluciones a cortu plazu.
Va tiempu, nel nuesu conceyu, The Swedish NGO Secretariat on Acid Rain fizo un estudiu nel que ponía a Llangréu ente los doscientos principales focos contaminantes debido a les emisiones de la central térmica de Lada, lo que xenera ochenta y ocho muertes al añu y daños cuantificaos en sesenta y nueve millones d’euros anuales.
N’aquel tiempu’l serviciu municipal de mediu ambiente’l ayuntamientu de Llangréu culpó de les emisiones de SO2 y NOX al tráficu y a la propia orografía del valle’l Nalón que fae que los contaminantes nun s’espardan facilmente.
Paez que, como siempre, damos-y la espalda a los problemes…
UK82-inspired hardcore punk from Christchurch, New Zealand, gruff and fast and economical and, of course, righteously pissed. Bandcamp New & Notable Jun 16, 2020